Ya Allah Meri beti anbiya ko har buri nazar se Bachana ameen💖💖💖




یا اللہ میری بیٹی مجھے ہر رشتے سے زیادہ عزیز ہیں



یا اللہ میری بیٹی انبیا مجھے ہر رشتے سے زیادہ عزیز ہے۔ یہ صرف ایک جملہ نہیں ہے، یہ ایک ماں کے دل کی گہرائیوں سے نکلی ہوئی سچی آواز ہے۔ دنیا میں ماں کا رشتہ ایسا رشتہ ہے جس کا کوئی نعم البدل نہیں ہے۔ ماں اپنی اولاد کے لیے ہر تکلیف سہہ لیتی ہے، لیکن اپنی بیٹی کے لیے اس کے دل میں ایک الگ ہی مقام ہوتا ہے۔ بیٹی ماں کا غرور ہوتی ہے، اس کا فخر ہوتی ہے، اس کی زندگی کا سب سے حسین حصہ ہوتی ہے۔

میری بیٹی انبیا میری زندگی ہے۔ جب سے وہ اس دنیا میں آئی ہے، میری زندگی بدل گئی ہے۔ اس کی مسکراہٹ میں مجھے اپنی ساری خوشیاں نظر آتی ہیں۔ اس کی چھوٹی چھوٹی باتیں، اس کا ہنسنا، اس کا رونا، اس کا مجھے ماں کہہ کر پکارنا، یہ سب میرے لیے جنت سے کم نہیں ہے۔

*بیٹی اللہ کی رحمت ہوتی ہے*

ہمارے پیارے نبی حضرت محمد صلی اللہ علیہ وسلم نے فرمایا ہے کہ بیٹی اللہ کی رحمت ہوتی ہے۔ جس گھر میں بیٹی پیدا ہوتی ہے، اس گھر میں برکت اترتی ہے۔ بیٹی اپنے ماں باپ کے لیے جنت کا ذریعہ بنتی ہے۔ جو شخص اپنی بیٹی کی اچھی پرورش کرتا ہے، اس کو تعلیم دیتا ہے، اور اس کا نصیب اچھا کرنے کی کوشش کرتا ہے، اللہ پاک اس کے لیے جنت کے دروازے کھول دیتا ہے۔

میری بیٹی انبیا بھی میرے لیے اللہ کی سب سے بڑی رحمت ہے۔ میں ہر نماز کے بعد اللہ کا شکر ادا کرتی ہوں کہ اس نے مجھے انبیا جیسی نیک اور پیاری بیٹی عطا کی۔

*ایک ماں کی اپنی بیٹی کے لیے دعا*


یا اللہ اس کو ہر بری نظر سے بچانا۔ اس دنیا میں نظر بد ایک حقیقت ہے۔ لوگوں کی جلن، حسد، اور بری سوچ سے میری بیٹی محفوظ رہے۔ یا اللہ تو ہی حفاظت کرنے والا ہے۔ تو میری بیٹی کو اپنی حفظ و امان میں رکھنا۔ اس کو ہر قدم پر اپنے حفاظتی حصار میں رکھنا۔

یا اللہ اس کو صحت والی لمبی زندگی دینا۔ آمین۔ صحت سے بڑی کوئی دولت نہیں ہے۔ اگر صحت نہیں تو کچھ بھی نہیں ہے۔ میں اپنی بیٹی کے لیے لمبی عمر کے ساتھ ساتھ اچھی صحت کی دعا کرتی ہوں۔ یا اللہ میری بیٹی کو کبھی کسی کا محتاج نہ کرنا۔ اس کو کبھی کوئی ایسی بیماری نہ لگے جو اس کو تکلیف دے۔ اس کی زندگی خوشیوں سے بھر دے، اس کو غموں سے دور رکھنا۔

*ہر ماں کی بیٹی کے نصیب اچھے ہوں*


اللہ پاک ہر ماں کی بیٹی کے نصیب اچھے کرے۔ یہ دعا صرف میری بیٹی کے لیے نہیں، ہر اس ماں کے لیے ہے جو اپنی بیٹی کے لیے پریشان ہے۔ بیٹی کا نصیب اچھا ہونا دنیا کی سب سے بڑی خوشی ہے۔ جب بیٹی اپنے گھر میں خوش رہتی ہے، تو ماں باپ کا دل سکون میں رہتا ہے۔

نصیب سے مراد صرف پیسہ یا دولت نہیں ہے۔ نصیب سے مراد ایک نیک ہمسفر ہے، ایک عزت کرنے والا شوہر ہے، ایک محبت کرنے والا خاندان ہے۔ نصیب سے مراد وہ عزت ہے جو بیٹی کو اس کے سسرال میں ملتی ہے۔ یا اللہ ہر بیٹی کو ایسا نصیب عطا کر جو اس کی عزت کرے، اس سے محبت کرے، اس کو سمجھے۔

اس کے صدقے میں میری بیٹی کی بھی اللہ پاک نصیب اچھے کرے۔ میں اپنی دعاؤں میں ہمیشہ کہتی ہوں کہ یا اللہ اگر تو نے ہر ماں کی بیٹی کے نصیب میں خوشیاں لکھنی ہیں تو اس لسٹ میں میری انبیا کا نام سب سے اوپر رکھنا۔ میری بیٹی کا نصیب اتنا روشن کر دے کہ لوگ اس کی قسمت پر رشک کریں۔

*ماں اور بیٹی کا رشتہ*


ماں اور بیٹی کا رشتہ دوستانہ ہوتا ہے۔     جب بیٹی چھوٹی ہوتی ہے۔تو ماں سب سے اچھی اس کی دوست ہوتی ہے۔بیٹی جب جوان ہوتی ہے تو  اس کی رازدار ماں بنتی ہے۔ اپنی ہر بات بیٹی   ماں سے شیئر کرتی ہے۔ یہ سب سے خوبصورت رشتہ ہے دنیا کا 

میں چاہتی ہوں میں چاہتی ہوں کہ میری بیٹی انابیہ ہمیشہ میرے قریب رہے۔  وہ چاہے بڑی بھی ہو جائے، اس کی شادی ہو جائے، لیکن ہمارا یہ پیار کبھی کم نہ ہو۔ یا اللہ میرے اور میری بیٹی کے درمیان اس محبت کو ہمیشہ قائم رکھنا۔

*آخر میں ایک ماں کی التجا*


یا اللہ تو میری دعاؤں کو قبول فرما۔ میری بیٹی انبیا کو ہر بلا سے، ہر مصیبت سے، ہر دکھ سے بچا۔ اس کی زندگی میں آسانیاں پیدا فرما۔ اس کو دین اور دنیا دونوں میں کامیابی عطا فرما۔ اس کو نیک بنا، پرہیزگار بنا۔
اس کو صحت مند لمبی زندگی عطا فرما۔
اللہ پاک سے دعا ہے کہ وہ میری بیٹی کو اپنے گھر جائز مقصد میں کامیاب کرے، اس کو  تعلیم کے میدان میں ترقی دے، اور اس کو ایک بہترین انسان بنائے جو دوسروں کے کام آئے۔ آمین ثم آمین۔
امبرظفر 

تبصرے

ایک تبصرہ شائع کریں

اس بلاگ سے مقبول پوسٹس

بابا کا خالی کمرہ،، ایک بیٹی کی سچی اور دل کو چھو لینے والی کہانی

تصویر
  *بابا کا خالی کمرہ* کشف اپنے بابا کی اکلوتی بیٹی تھی۔ ماں تو بچپن میں ہی اسے چھوڑ کر اللہ کو پیاری ہو گئی تھی۔باپ نے ہی اس کو ماں اور باپ دونوں کا پیار دیا۔ باپ نے ہی ماں بن کر اسے پالا تھا۔ ماں سے بڑھ کر اس کو پیار دیتا تھا اس کی ہر ایک خواہش پوری کرتا تھا۔ باپ اویس ایک کمپنی میں ملازمت کرتا تھا دن رات محنت کرتا تھا کہ میں اپنی بیٹی کا مستقبل اچھا کروں اپنی بیٹی کی ہر ایک خواہش پوری کروں وہ اپنی بیٹی کے خاطر دن رات ایک کر کے محنت کرتا تھا۔اس نے اپنی بیٹی کو کبھی کسی چیز کی کمی محسوس نہیں ہونے دی۔ خود پرانے کپڑے پہنتا لیکن اپنی بیٹی کو ہمیشہ نئے کپڑے، نئے جوتے پہناتا اور ہر عید پر اس کے لیے نیا جوڑا لاتا۔ کشف بہت ذہین تھی۔اچھے سکول میں تعلیم حاصل کر رہی تھی۔اس نے خواب دیکھا تھا کہ وہ بڑی ہو کر ڈاکٹر بنے گی۔ باپ نے کہا بیٹی تو میری شہزادی ہے، تو جو چاہے وہی بنے گی۔میں دن رات محنت کروں گا۔اور تیرا خواب ضرور پورا کروں گا وقت گزرتا گیا۔ کشف نے میٹرک میں پورے شہر میں پہلی پوزیشن لی۔ باپ کی آنکھوں میں خوشی کے آنسو تھے۔ اس نے پورے خاندان والوں میں مٹھائی تقسیم کی اور سب کو کہتا رہا میری...
مزید پڑھیں

اپنوں نے لوٹ لیا ایک سادہ بہن کی سچی کہانی

تصویر
  " سادگی کی جیت"  ایک شہر میں دو بہنیں رہتی تھیں۔ بڑی بہن کا نام  نازیہ تھا۔ وہ بہت سادہ، نرم دل اور خدا ترس لڑکی تھی۔ اسے بننا سنورنا نہیں آتا تھا، بس کتابیں پڑھنا اور گھر سنبھالنا آتا تھا۔ چھوٹی بہن کا نام مہوش تھا۔ وہ بہت ماڈرن، تیز اور خوبصورت تھی۔ ہر وقت فیشن اور باہر کی دنیا میں رہتی تھی۔ ایک دن ان کے گھر ایک بہت امیر، خوبصورت اور پڑھے لکھے لڑکے کا رشتہ آیا۔ لڑکے کا نام سلمان تھا۔ سب نے سوچا کہ سلمان کو تو مہوش جیسی ماڈرن لڑکی پسند آئے گی، لیکن اللہ کی شان دیکھو، سلمان نے نازیہ کی سادگی کو پسند کر لیا۔ اس نے کہا مجھے بیوی ایسی چاہیے جو میرے گھر کو جنت بنائے۔ نازیہ اور سلمان کی شادی ہو گئی۔ شروع کے دن بہت اچھے گزرے۔ پھر اللہ نے صبا کو ایک پیاری سی بیٹی دی۔ بیٹی کا نام زینب رکھا۔ بیٹی کی پیدائش کے بعد سلمان کا دل بدلنے لگا۔ وہ نازیہ سے دور رہنے لگا۔ اسے نازیہ کی سادگی اب بوجھ لگنے لگی۔ اسی دوران مہوش اپنی بہن کے گھر کچھ دن رہنے آئی۔ مہوش نے سلمان کو اپنی باتوں میں پھنسا لیا۔ دونوں میں دوستی ہوئی اور پھر وہ دوستی عشق میں بدل گئی۔ دونوں ہنسی خوشی رہتے اور نازیہ بیچاری ...
مزید پڑھیں

بچی جو چاند کا انتظار کرتی تھی

تصویر
    ،،چاند کا انتظار،، وہ 6 سال کی بچی تھی۔ ہر شام اپنی ماں کی پرانی چادر اوڑھ کر، وہ اسی کھڑکی پر کھڑی ہو جاتی تھی۔ سردی ہو یا گرمی، اسے کوئی فرق نہیں پڑتا تھا۔ ماں کہتی، "بیٹا سردی ہے، اندر آ جاؤ۔" وہ معصومیت سے کہتی، "نہیں امی، بابا کہہ کر گئے ہیں، آتے ہوئے میرے لیے چاند لائیں گے۔ میں یہیں انتظار کروں گی۔" اس کا باپ ایک کمپنی میں جاب کرتا تھا۔ صبح سویرے نکل جاتا اور شام دیر سے لوٹتا۔ بچی کا بس ایک ہی سوال ہوتا تھا۔ باپ آتے ہی اس کی گود میں چڑھ جاتی۔ ایک شام وہ بہت دیر سے آیا۔ بچی کھڑکی پر ہی سو گئی تھی۔ ماں نے کئی بار بلایا لیکن وہ نہ آئی۔ باپ نے آ کر جب اسے گود میں اٹھایا تو وہ نیند میں بولی،  "بابا ، آپ چاند لائے؟" باپ کی آنکھوں میں آنسو آ گئے۔ اس نے اس کے ماتھے پر پیار دیا اور کہا، "ہاں میری جان، میں چاند لے آیا ہوں، تو ہی تو میرا چاند ہے۔ تو میری دنیا کا سب سے روشن چاند ہے۔" بچی مسکرا کر اس کے سینے سے لگ گئی۔ اسے نہیں پتہ تھا کہ اس کا باپ سارا دن اس کے لیے کھلونے جوڑ رہا تھا، کہ اس کے ہاتھ کتنے زخمی تھے۔ وقت گزرتا گیا۔ وہ بچی جوان ہوئی، اس...
مزید پڑھیں