بچی جو چاند کا انتظار کرتی تھی

    ،،چاند کا انتظار،،

وہ 6 سال کی بچی تھی۔ ہر شام اپنی ماں کی پرانی چادر اوڑھ کر، وہ اسی کھڑکی پر کھڑی ہو جاتی تھی۔ سردی ہو یا گرمی، اسے کوئی فرق نہیں پڑتا تھا۔

ماں کہتی، "بیٹا سردی ہے، اندر آ جاؤ۔"

وہ معصومیت سے کہتی، "نہیں امی، بابا کہہ کر گئے ہیں، آتے ہوئے میرے لیے چاند لائیں گے۔ میں یہیں انتظار کروں گی۔"

اس کا باپ ایک کمپنی میں جاب کرتا تھا۔ صبح سویرے نکل جاتا اور شام دیر سے لوٹتا۔ بچی کا بس ایک ہی سوال ہوتا تھا۔ باپ آتے ہی اس کی گود میں چڑھ جاتی۔

ایک شام وہ بہت دیر سے آیا۔ بچی کھڑکی پر ہی سو گئی تھی۔ ماں نے کئی بار بلایا لیکن وہ نہ آئی۔ باپ نے آ کر جب اسے گود میں اٹھایا تو وہ نیند میں بولی،  "بابا

، آپ چاند لائے؟"

باپ کی آنکھوں میں آنسو آ گئے۔ اس نے اس کے ماتھے پر پیار دیا اور کہا، "ہاں میری جان، میں چاند لے آیا ہوں، تو ہی تو میرا چاند ہے۔ تو میری دنیا کا سب سے روشن چاند ہے۔"

بچی مسکرا کر اس کے سینے سے لگ گئی۔ اسے نہیں پتہ تھا کہ اس کا باپ سارا دن اس کے لیے کھلونے جوڑ رہا تھا، کہ اس کے ہاتھ کتنے زخمی تھے۔

وقت گزرتا گیا۔ وہ بچی جوان ہوئی، اس کی شادی ہو گئی۔ اس کا باپ بوڑھا ہو گیا۔ پھر ایک دن وہ باپ اس دنیا سے چلا گیا۔ وہ باپ جو ہر شام اس کے لیے چاند بن کر آتا تھا، وہ اب ہمیشہ کے لیے چلا گیا تھا۔

وہ بچی بہت روئی۔ اسے لگا جیسے اس کی زندگی کا چاند ہی بجھ گیا ہو۔

آج کئی سال گزر چکے ہیں۔ وہ بچی جو اب خود ایک ماں بن چکی ہے، اس کی اپنی ایک بیٹی ہے، جس کا نام اس نے انابیہ رکھا ہے۔

آج بھی، ہر شام، وہ اپنی بیٹی انابیہ کو گود میں لے کر اسی پرانی کھڑکی پر کھڑی ہو جاتی ہے۔ آسمان پر ایک چمکتا ہوا ستارہ دیکھ کر وہ اپنی بیٹی سے کہتی ہے، "دیکھو انابیہ، وہ رہا تمہارے نانا ابو۔ وہ آسمان سے ہمیں دیکھ رہے ہیں۔ وہی ہمارا چاند ہیں۔"

انابیہ تالیاں بجاتی ہے اور کہتی ہے، "نانا ابو چاند!"

اور وہ ماں مسکرا دیتی ہے، لیکن اس کی آنکھوں میں آنسو ہوتے ہیں۔ اسے آج سمجھ آیا ہے کہ باپ کبھی چاند نہیں لاتا، باپ خود چاند ہوتا ہے، جو اپنی اولاد کی زندگی کو اپنی محبت سے روشن کرتا ہے۔

*سبق: اپنے والدین کی قدر کریں، وہ آپ کی زندگی کا سب سے سب سے قیمتی سرمایہ ہے جس کے پاس ماں باپ ہیں وہ اس دنیا کا سب سے امیر ترین شخص ہیں ماں باپ کے بنا زندگی کچھ بھی نہیں ہے خالی ہی زندگی ہر خوشی ادھوری ہے ماں باپ کے بنا

اپ کو میری کھانی کیسی لگی کمنٹس میں ضرور بتائیں 

امبرظفر